ایشوریا رائے نےشاہ رخ خان کی فلم ’کچھ کچھ ہوتا ہے‘ میں کام کرنے سے انکار کی وجہ بتادی

ممبئی (ویب ڈیسک) بالی ووڈ کی بیوٹی کوئین ایشوریا رائے کی جانب سے بلاگ بسٹر فلم ’کچھ کچھ ہوتا ہے‘ نہ کرنے کی وجہ سامنے آگئی، بہت کم لوگ یہ بات جانتے ہیں کہ کاجول والے کردار کی آفر پہلے کرشمہ کپور، ٹوئنکل کھنہ اور ایشوریا رائے کو دی گئی تھی۔

ایکسپریس نیوز کے مطابق بالی ووڈ کے کنگ شاہ رخ خان کی کامیاب ترین فلموں میں شمار ہونے والی ’’کچھ کچھ ہوتا ہے‘ کی ہدایت کاری کرن جوہر نے دی تھی اور اس میں اداکارہ کاجول اور رانی مکھرجی نے شاہ رخ خان کے مدمقال مرکزی کردار ادا کیے تھے ۔گزشتہ روز اپنی سالگرہ کے موقع پر ’یش راج فلمز‘ کے آفیشل میڈیا ہینڈل سے بات کرتے ہوئے رانی مکھرجی نے کہا کہ انہوں نے شاہ رخ خان کے مدمقابل فلم ’کچھ کچھ ہوتا ہے‘ میں ٹینا کا کردار ادا کرکے بہت بڑا خطرہ مول لیا تھا کیوں کہ وہ ایک بولڈ کردار تھا۔

سینیٹ میں قائد حزب اختلاف کے انتخاب میں پیپلز پارٹی کی حمایت ، سراج الحق نے بلاول بھٹو زرداری کو کورا جواب دے دیا
سابق مس ورلڈ ایشوریا رائے نے بھی فلم ’کچھ کچھ ہوتا ہے‘ میں ٹینا ملہوترا کے کردار کو مسترد کرنے کی وجہ بتاتے ہوئے کہا تھا کہ اس وقت میرا مقابلہ انڈسٹری کی ٹاپ اداکاراؤں کے ساتھ ہوتا تھا ایسے میں یہ کردار ادا کرنا میرے لیے خطرے سے خالی نہیں تھا، اس کردار کی وجہ سے مجھے شدید تنقید کا سامنا کرنا پڑتا اور میرے لیے یہ خودکشی کے مترادف ہوتا۔

بچن فیملی کی بہو نے مزید کہا ’لوگ مجھے طعنہ دیتے کہ دیکھو یہ فلموں میں بھی آکر وہی کچھ کررہی ہے جو ماڈلنگ میں کرتی رہی ہے اور اس وقت میں ایسا کوئی خطرہ نہیں لینا چاہتی تھی کیوں کہ میں نے صرف 3 فلمیں ہی کر رکھی تھیں اور میں نے اپنے ہدایت کاروں کو کسی قسم کی شکایت کا موقع نہیں دیا تھا۔

اپنا تبصرہ بھیجیں